რეკრუტირებული დემაგოგია

`ქართული ოცნების~ პოლიტიკური გააქტიურების პარალელურად საზოგადოების დიდმა ნაწილმა გამოღვიძება დაიწყო, რაც ხელისუფლებას არასასიამოვნო მომავალს უქადის. ამიტომ, ნაციონალური მოძრაობის წარმომადგენლებმა, როგორც ჩანს ჩათვალეს, რომ თავიანთი ძირმომპალი რეჟიმის გადარჩენას დემაგოგიური და პოპულისტური დაპირებებით შეძლებდნენ და ამ სიტუაციაში მთავარი როლის შესრულება ვანო მერაბიშვილს მიანდეს.
  თავიდან მერაბიშვილის დანიშვნამ პრემიერ-მინისტრის პოსტზე საზოგადოებაში აზრთა სხვადასხვაობა და დაბნეულობა გამოიწვია, რადგან ამას არავინ მოელოდა. მართალია განსაკუთრებული არც არაფერი მომხდარა, ვინაიდან მერაბიშვილი ისედაც მთავრობის „არაღიარებული“ პრემიერ-მინისტრი იყო, რომელიც გილაურის ბუტაფორიულ ფიგურას შირმად იყენებდა და რეალურად მთავრობას თვითონ მართავდა. ახალ პოსტზე დანიშვნით კი მისი ძალაუფლება დე-იურედ გაფორმდა, მაგრამ ამ უბრალო პოლიტიკური სვლის უკან აშკარაა, რომ არა „დაფარულის გაცხადების“ სურვილი, არამედ სააკაშვილის „შიში“ იმალება, რაც გამოწვეულია უნდობლობით ერთერთი ყველაზე გავლენიანი მინისტრისადმი, რომელსაც ძალოვნები ექვემდებარებოდა. ასევე, რაც ყველაზე მთავარია მერაბიშვილისადმი სიმპატიით არის განწყობილი სააკაშვილის მთავარი მოწინააღმდეგე ბიძინა ივანიშვილიც. ამიტომ გადამწყვეტ მომენტში ღალატის შიში დაედო საფუძვლად მორიგ სამთავრობო კარუსელს. ამ ნაბიჯით კი უბრალოდ კეისარმა პოტენციური ბრუტუსი მოიშორა და პოლიტიკაში ყველაზე მძიმე ტვირთი- არჩევნებში მმართველი ძალის გამარჯვებაზე პასუხისმგებლობა აჰკიდა.

პოლიტიკური კოალიცია „ქართული ოცნების“ სამეგრელოს რეგიონის მაჟორიტარი დეპუტატობის კანდიდატების ბიოგრაფიები

ლევან იზორია

კოალიცია "ქართული ოცნების" ჩხოროწყუს რაიონის მაჟორიტარი დეპუტატობის კანდიდატი

ბიოგრაფია

ლევან იზორია დაიბადა 1974 წლის 5 თებერვალს.
1996 წელს მან წარჩინებით დაამთავრა თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტი. 1998 წელს სწავლა განაგრძო გერმანიის ქალაქ გოტინგენის გეორგ აუგუსტის სახელობის უნივერსიტეტის იურიდიული ფაკულტეტის მაგისტრატურაში, რომელიც წარჩინებით დაამთავრა 1999 წელს სამართლის მაგისტრის ხარისხით (უმაღლესი შეფასება Sehr Gut ). 2002 წელს ამავე უნივერსიტეტში მას მიენიჭა სამართლის დოქტორის ხარისხი (უმაღლესი შეფასება magna cum laude ).

2002 წლიდან ლევან იზორია საქართველოს მეცნიერებათა აკადემიასთან არსებული თ.წერეთლის სახელობის ინსტიტუტის უფროსი მეცნიერ-თანამშრომელია
2002-2005 წლებში იყო თბილისის ივანე ჯავახიშვილის სახელობის სახელმწიფო უნივერსიტეტის იურიდიული ფაკულტეტის სამართლის თეორიისა და კონსტიტუციური სამართლის კათედრის დოცენტი.

2002-2003 წწ ლ.იზორია სამართალდამცავი ორგანოების რეფორმირების სახელმწიფო კომისიის კოორდინატორია .

2003-2004წ.წ გერმანიის კონრად ადენაუერის სახელობის პოლიტიკური ფონდის წარმომადგენელი სამხრეთ კავკასიაში.

2004 წელს ლევან იზორია დაინიშნა შინაგან საქამეთა სამინისტროს აკადემიის რექტორად.
2006-2007 წლებში ის საქართველოს საზოგადოებრივ მეცნიერებათა უნივერსიტეტის იურიდიული ფაკულტეტის დეკანი და პროფესორია.

2007-2009 წ.წ ლ.იზორია პროფესორის ხარისხში სამეცნიერო-კვლევით მუშაობას ეწევა შპაიერის გერმანული საჯარო ადმინისტრაციის კვლევის ინსტიტუტში(ჰუმბოლდტის ფონდის სტიპენდიანტი).

2008 წელს ის კავკასიის სამართლის სკოლის ასოცირებული პროფესორია .

2010 წ.ივლის-აგვისტოში სამეცნიერო მივლინებით იმყოფებოდა ჰაიდელბერგის საზღვარგარეთის ქვეყნების საჯარო სამართლისა და საერთაშორისო სამართლის მაქს ბლანკის ინსტიტუტში.

ლევან იზორია 2009 წლის მარტში შეუერთდა ირაკლი ალასანიას პოლიტიკურ გუნდს. 2009წლის ივლისიდან ის პოლიტიკური პარტია „თავისუფალი დემოკრატების" გამგეობის წევრია .

ყავს მეუღლე და ორი შვილი.

”ყველაზე დიდი უსამართლობა, მოჩვენებითი სამართლიანობაა”

        

ჩვენ, დღეს ვცხოვრობთ მოჩვენებით სამართლიან ქვეყანაში. ქვეყანაში სადაც სამართალს ვერ იპოვი, მაგრამ ყოველდღე ჩაგჩიჩინებენ, რომ შენ-ცხოვრობ ყველაზე კარგად, შენი ქალაქია-ყველაზე კარგი, შენი შვილები-სწავლობენ ყველაზე კარგ სკოლაში, შენი ხელისუფლებაა- ყველაზე ჰუმანური და მზრუნველი გაჭირვებულთათვის და ა.შ. ეს მაშინ, როცა ყველაფერი პირიქით არის. ეს კი- უსამართლობა და დანაშაულია საკუთარი ხალხის წინაშე. 

ნორმალური სახელმწიფო ვერ შედგება მანამ, სანამ ქვეყანაში იქნება არ შემდგარი პიროვნებები და ამ პიროვნებების ხელში- ძალაუფლება. შემდგარ  სახელმწიფოდ შეიძლება ჩაითვალოს ქვეყანა სადაც, არის კანონის უზენაესობა, თავისუფალი მედია, თავისუფალი ბიზნეს გარემო, არჩევნების თავისუფლება, სახელმწიფოს მიერ ერთნაირი დამოკიდებულება ყველა პიროვნების მიმართ და ყველა პიროვნების კეთილდღეობაზე  ხელმისაწვდომობა. ქართველი ერის გადარჩენა-ერის ტრადიციულობის, მართლმადიდებლური სარწმუნოების, ადათ-წესების  და ზნეობრიობის   შენარჩუნებაშია.

„ქართული ოცნების“ მარტვილის მაჟორიტარი დეპუტატობის კანდიდატმა მურთაზ ხურცილავამ თანარაიონელი დევიზ დარჯანია მოინახულა

ლეგენდარულმა ქართველმა ფეხბურთელმა, მარტვილის რაიონის მაჟორიტარი დეპუტატობის კანდიდატმა ბატონმა მურთაზ ხურცილავამ და ქართული ოცნების სხვა ლიდერებმა წარსულში საქვეყნოდ ცნობილი ფეხბურთელი, ამჟამად მძიმე მდგომარეობაში მყოფი, დევიზ დარჯანია მოინახულეს

დევიზი დიდი ხანია ავადმყოფობს, გადაადგილება უჭირს.

დევიზ დარჯანიას- დიდ ფეხბურთელსა და ღირსეულ პიროვნებას თავის საფეხბურთო კარიერის მანძილზე ისეთ გუნდებში უთამაშია, როგორიცაა: „ლოკომოტივი“ (სამტრედია), „დინამო“ (ზუგდიდი), „დინმო“ (თბილისი) და „ტორპედო“ (ქუთაისი). სწორედ მისი კაპიტნობიტ მოიპოვეს რიონისპირელებმა საბჭოთა კავშირის უმაღლესი ლიგის საგზური. ვეტერანი ფეხბურთელი არასოდეს დავიწყნიათ მარტვილელ თანამემამულეებს.

მურთაზ ხურცილავა: „ვიყავი სოფელ ონოღიაში, ვინახულე ყოფილი ფეხბურთელი დევიზ დარჯანია. ჩვენ ერთად ვთამაშობდით ზუგდიდის „დინამოსა“ და სამტრედიის „ლოკომოტივში“. დევიზს ბომბარდირული თვისებები ჰქონდა, განსაკუთრებით ძლიერად ურტყამდა თავით. ამ უნიკალური ნიჭით საქართველოში ორად-ორი ფეხბურთელი იყო დაჯილდოებული: ზაურ კალოევი და დევიზ დარჯანია. დასანანია რონ დღეს ასეთ მდგომარეობაშია.

ჩემს უმცროს მეგობარს დევიზ გამოჯანმრთელებასა და დიდხანს სიცოცხლეს ვუსურვებ თავის შესანიშნავ ოჯახთან ერთად“.

ბესიკ გვაზავა

„ლელოს“ და „თავისუფალი პრესის“

 კორესპონდენტი

მურთაზ ხურცილავამ ბანძის მოსახლეობასთან წინასაარჩევნო შეხვედრა გამართა

კოალიცია „ქართული ოცნების“ მარტვილის რაიონის მაჟორიტარი დეპუტატობის კანდიდატმა მურთაზ ხურცილავამ სოფელ ბანძის მოსახლეობასთან შეხვედრა გამართა. აღსანიშნავია რომ ბანძა მისი მშობლიური სოფელია. შეხვედრამ მშვიდ ვითარებაში ჩაიარა. „ეს ჩემთვის ძალიან დიდი პასუხისმგებლობაა. იმიტომ რომ მე მარტვილელებზე გული შემტკივა, რადგან ეს არის ჩემი რაიონი, მე აქ დავიბადე. თითქმის ყველას ვიცნობ, ყველა მიცნობს და ეს ჩემთვის ძალიან დიდი პასუხისმგებლობაა. მე ვიცი მარტვილელების სატკივარი და ყველანაირად ვეცდები, რომ ხალხს დავეხმარო“- განაცხადა შეხვედრის დასასრულს მურთაზ ხურცილავამ.

ილია მეორე: "მოახლოებულია არჩევნები და ნუ მიაყენებთ ერთმანეთს შეურაცხყოფას, იქონიეთ მოთმინება"

სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ წმინდა სამების საპატრიარქო ტაძარში საკვირაო წირვის დასრულების შემდეგ მოახლოებულ საპარლამენტო არჩევნებზე იქადაგა და საზოგადოებას ერთმანეთის ლანძღვისგან თავშეკავებისკენ მოუწოდა. 

პატრიარქის თქმით, მოახლოებული საპარლამენტო არჩევნების დროს საჭიროა ყველამ სიბრძნე მოიკრიბოს და ისეთი სიტყვა არ თქვას, რომ მერე შერცხვეს.

"ადამიანს, რომელსაც ძალაუფლება გააჩნია, ბევრი სიკეთის, ამავე დროს კი ბევრი ბოროტების გაკეთება შეუძლია, ამიტომ შევთხოვთ უფალს, მხოლოდ სიკეთე გვაკეთებინოს. მოახლოებულია საპარლამენტო არჩევნები და კამათის თუ საუბრის დროს ნუ მიაყენებთ ერთმანეთს შეურაცხყოფას. იქონიეთ მოთმინება, კეთილი გული, სიბრძნე და ისეთი სიტყვა არ უთხრათ ერთმანეთს, რომ მერე ერთმანეთის შეგვრცხვეს", - ბრძანა პატრიარქმა და აქვე დასძინა, რომ თითოეული ადამიანის ყოველი დღე გამოცდაა.

ამეგრელოს რეგიონში „ნაციონალური მოძრაობის’’ მაჟორიტარობის კანდიდატების უმრავლესობა ცნობილია

სამეგრელოს რეგიონში „ნაციონალური მოძრაობის’’ მაჟორიტარობის კანდიდატების უმრავლესობა ცნობილია.

ზუგდიდში მაჟორიტარობის კანდიდატად სამეგრელო-ზემო სვანეთის საოლქო პროკურორს როლანდ ახალაიას წარადგენენ.

წალენჯიხაში მაჟორიტარობის კანდიდატი ბიზნესმენი ლევან ქარდავა იქნება.

ჩხოროწყუს რაიონში გოჩა ლემონჯავას კანდიდატურას წარადგენენ. ლემონჯავა ფოთის ყოფილი მერია.

სენაკში მაჟორიტარ კანდიდატად კენჭს, სამეგრელო-ზემო სვანეთის გუბერნატორი გურამ მისაბიშვილი იყრის, რომელიც ასევე ამ მოწვევის პარლამენტში დეპუტატი გახლდათ. თუმცა სადეპუტატო უფლებამოსილება ვადაზე ადრე შეუწყდა, რადგან სამეგრელოს გუბერნატორად დაინიშნა.

აბაშაში „ნაციონალური მოძრაობა“ მაჟორიტარობის კანდიდატად სამეგრელო-ზემო სვანეთის გუბერნატორის მოადგილეს დავით დარცმელიძეს წარადგენს.

მმართველ პარტიას საბოლოო გადაწყვეტილება ფოთის მაჟორიტარობის კანდიდატთან დაკავშირებით ჯერ მიღებული არ აქვს. თუმცა ამ რაიონში
სავარაუდო კანდიდატი ფოთის საკრებულოს წევრი თენგიზ სარიშვილი მოიაზრებოდა. თუმცა, სარიშვილი სახელმწიფო აუდიტის სამსახურმა სამარათლადამრღვევად ცნო მას შემდეგ რაც ცნობილი გახდა რომ სარიშვილმა მოქალაქეს საჩუქრად სატელიტური თეფში გადასცა.

ჯერჯერობით „ნაციონალური მოძრაობას“ მარტვილსა და ხობში მაჟორიტარი კანდიდატები არ დაუსახელებია. 

მსახიობ გიორგი ფოჩხუას მკვლელობაში ბრალდებული ბექა ცობეხია პოლიციას ჩაბარდა

წუხელ გვიან ღამით ზუგდიდის პოლიციას ჩაბარდა მსახიობ გიორგი ფოჩხუას მკვლელობაში ეჭვმიტანილი ბექა ცობეხია. გავრცელებული ინფორმაციით ის გალის რაიონის სოფელ ბარღებიდან საკუთარმა დედამ, რიმა ცხაკაიამ გადმოიყვანა და სამართალდამცავებს ჩააბარა. მთელი ღამის განმავლობაში მიმდინარეობდა ბექა ცობეხიას დაკითხვა ზუგდიდის პოლიციის მთავარ სამმართველოში.

შეგახსენებთ, რომ ბექა ცობეხიას გალის რაიონში გადასვლაში ბიძა დიმა ცხაკაია დაეხმარა, რომელიც აფხაზ კრიმინალებთან და ე.წ მილიციასთან დაახლოებული პირია. დიმა ცხაკაია ოჩამჩირის რაიონის სოფელ ჯგერდაში ცხოვრობს და ბრალდებული თავდაპირველად სწორედ ცხაკაიამ შეიფარა. ბექა ცობეხია ჯგერდიდან სოფელ ბარღებში გუშინ გადმოიყვანეს.

მიხეილ სააკაშვილმა მარიამ ყანდაშვილისა და გოგა გოლეთიანის ოჯახის წევრებს სამძიმარი გამოუცხადა

მიხეილ სააკაშვილი უნივერსიტეტის მაღლივი კორპუსიდან ექსტრემალების გადმოხტომის შემდეგ დარტიალებული ტრაგედიის გამო მწუხარებას გამოთქვამს.
"შეძრწუნებული ვარ იმ ტრაგედიით, რომელიც გუშინ უნივერსიტეტის მაღლივ კორპუსთან მოხდა. ორი ახალგაზრდა საბედისწერო შემთხვევამ იმსხვერპლა. 23 წლის მარიამ ყანდაშვილისა და 25 წლის გოგა გოლეთიანის სიცოცხლე მოულოდნელად შეწყდა მაშინ, როდესაც ცხოვრების დიდ გზაზე უნდა აედგათ ფეხი... ძნელია მოძებნო სიტყვები იმ წარმოუდგენელი ტკივილის შესამსუბუქებლად, რომელიც მათ ოჯახებს შემზარავმა ტრაგედიამ დაატეხა თავს. ამ მძიმე წუთებში, მინდა ღრმა მწუხარება გამოვთქვა და თანავუგრძნო მათი ოჯახის წევრებს, ახლობლებსა და მეგობრებს. 

მიიღეთ ჩემი გულწრფელი სამძიმარი..." - ნათქვამია პრეზიდენტის მიერ გავრცელებლ მიმართვაში.