პრეზიდენტმა სამთავრობო ცვლილებას ხელი არ მოაწერა

გუშინ, პრეზიდენტმა გიორგი მარგველაშვილმა, პრემიერის მიერ წარდგენილ სამთავრობო ცვლილებას ხელს არ მოაწერა და მას ფორს-მაჟორულ რეჟიმში მიღებულ გადაწყვეტილება უწოდა. გიორგი მარგველაშვილი პრემიერს და პარლამენტს ერთ კვირიან ვადას სთავაზობს, რათა გადაწყვეტილების მიღება სამთავრობო ცვლილების შესახებ უფრო მშვიდ ვითარებაში მოხდეს.

“რამდენიმე დღის განმავლობაში ჩვენ ვნახეთ მინისტრების მყისიერი გადადგომა, როდესაც ვხედავდით, რომ ერთ-ერთი მინისტრი ამბობს, რომ არ მიდის პოსტიდან და მეორე დილას წავიდა.

როდესაც გუშინ ვიცოდით, რომ ორი მინისტრი იცვლება და დღეს გავიგეთ, რომ სამი იცვლება. მე მრჩება შთაბეჭდილება, რომ მთავრობა ცოტა ფორსმაჟორის რეჟიმში მუშაობს. მე მინდა ყველას გაგახსენოთ, რომ ჩვენ რთული გამოწვევების წინაშე ვდგავართ.

როგორც ქვეყნის უმაღლესმა მთავარსარდალმა, მინდა დავსვა კითხვა, რა სიხშირით უნდა ვცვლიდეთ თავდაცვის მინისტრებს? – ამ რთული ვითარების ფონზე, მე მინდა მივცე შესაძლებლობა, როგორც პრემიერ მინისტრს, ასევე პარლამენტს , უფრო მშვიდ გარემოში განახორციელონ კონსულტაციები და ჩამოყალიბდნენ მთავრობის შემადგენლობის თაობაზე.

ამ შემთხვევაში, მე ვიყენებ კონსტიტუციით მონიჭებულ ერთადერთ შესაძლებლობას  და ერთი კვირის ვადით, გადავდებ იმ ხელმოწერას, რომელიც უნდა დამესვა მთავრობის სიაზე.

მე იმედი მაქვს, რომ ამ ერთ კვირას, ჩვენი პოლიტიკური ხელმძღვანელობა მშვიდ გარემოში მიიღებს დაბალანსებულ გადაწყვეტილებას.”– განაცხადა პრეზიდენტმა.

ღარიბაშვილი აღმასრულებელ ხელისუფლებაში მომხდარ ცვლილებეს ჯანსაღ პროცესად მიიჩნევს

მთავრობაში მეშვიდე მინისტრი შეიცვალა, ანუ შეიცვალა მთავრობის 1/3. ამის შემდეგ, საკანონმდებლო ორგანომ მთავრობას ხელახლა ნდობა უნდა გამოუცხადოს, ასე რომ მინდა ყველას ვუთხრა, რომ სახეზე გვაქვს აბსოლუტურად ჯანსაღი პოლიტი¬კური პროცესი. მთავრობაში ცვლილებები ბუნებრივია, რადგან ასეთ დინამიურ პრო¬ცესში მთავრობა მოვლენათა ადეკვატური უნდა იყოს. მე მინდა ყველა დაგარწმუნოთ რომ ჩვენი პოლიტიკური გუნდი ერთიანია. ქვეყნის განვითარების ინტერესების გათ¬ვალისწინებით, კოალიციას საერთო მიზნები აქვს. პარლამენტს მე წარვუდგენ მთავ¬რობის განახლებულ შემადგენლობას. ჩვენ ახალი მინისტრები გვეყოლება მხოლოდ იმ უწყებებში, რომელთა ხელმძღვანელებმა თანამდებობები დატოვეს. ეს არის სპორტისა და გარემოს მინისტრები.

ღარიბაშვილმა ლევან ყიფიანის თანამდებობიდან წასვლაც შეაფასა და აღნიშნა რომ ექსმინისტრმა მას გადადგომის მოთხოვნით ერთი თვის წინათაც მიმართა, თუმცა მისი თხოვნა მაშინ არ დააკმაყოფილა.

ღარიბაშვილის განცხადებით საქართველოში უახლოეს მომავალში ძალიან ბევრი მნიშვნელოვანი ვიზიტი და ღონისძიებაა დაგეგმილი. მათ შორის რიგის სამიტი, იბი¬არდის ღონისძიება და გერმანიის კანცლერ ანგელა მერკელის საქართველოში ვიზიტი გამოყო.

ამის გათვალისწინებით, პრემიერმა პრეზიდენტ მარგველაშვილსა და პარლამენტს თხოვნით მიმართა, რომ საქართველოს მთავრობისთვის ნდობის ხელახალი გამოცხადება მაქსიმალურად დაჩქარებულ ვადებში მოხდეს.

"მარტვილში კოჰაბიტაციის სამარცხვინო ზეიმია"

გაზეთ „მარტვილის“ რედაქტორმა ფაუსტ ნადარაიამ „თავისუფალ პრესასთან“ საუბარში განაცხადა, რომ მარტვილის მუნიციპალიტეტის ხელმძღვანელობა ნაციონალებთან კოჰაბიტაციაში იმყოფება და იგნორირებას უკეთებს იმ ადამიანებს, რომელთა მხრებზე გადაიარა 2012 წლის 1 ოქტომბრის არჩევნებმა. ნაციონალური მოძრაობის ის აქტივისტები, რომლებიც ადრე გაქანებული მიშისტები იყვნენ და ნაცების წინაშე თავმოსაწონებლად ბიძინა ივანიშვილსა და მის მხარდამჭერებს დედას აგინებდნენ, დღეს მარტვილის გამგეობაში თბილად არიან მოკალათებულნი და აქეთ უპირისპირდებიან ოცნების აქტივისტებს.ხოლო რაც შეეხება იმ ნიჭიერ ახალგაზრდებს, რომლებიც თავიდანვე სამკვდრო-სასიცოცხლო ბრძოლას ეწეობდნენ სააკაშვილის რეჟიმის წინააღმდეგ, ტესტირების წარმატებით გავლის შემდეგაც, უარს ეუბნებიან სამსახურში მიღებაზე, რომ მათ ნაცვლად ისევ ნაცები ან „გაოცნებებული“ ნაცყვარყვარეები დანიშნონ.

დღეს მარტვილში უკვე ყველა ხვდება, ამგვარი საკადრო პოლიტიკის მავნებლობას და ამიტომ ითხოვენ საკონკურსო-საატესტაციო კომისიის თავჯდომარის გადადგომას. თუმცა, ამ საქმეს მარტო კომისიის გადადგომა არ შველის.

გაზეთ „მარტვილის“ რედაქტორის აზრით, სამწუხაროა, მაგრამ ფაქტია, რომ მარტვილის მუნიციპალიტეტის ხელმძღვანელებმა არაფრად ჩააგდეს საქართველოს პრემიერის ბატონი ირაკლი ღარიბაშვილიც ცნობილი განცხადება: „ჩვენ გვერდით უნდა ამოვიყენოთ და იმედები არ გავუცრუოთ იმ ადამიანებს, რომლებიც პირველივე დღიდან ჩვენთან იდგნენ და ჩვენთან ერთად ებრძოდნენ სააკაშვილის ფაშისტურ რეჟიმს“.

მარტვილის მუნიციპალიტეტის ხელმძღვანელებმა პირიქით, ყველაფერი ამ განცხადების საწინააღმდეგოდ გააკეთეს, თითქოს პრემიერს მათ გასაგონადაც არ ეთქვას ეს სიტყვები: „მივმართავ ყველას, რომ აღარ დავუშვათ არსად, არც ერთ რაიონში ე.წ კოჰაბიტაცია! ეგ იქნება ჩვენი სირცხვილი...“

ბოლოს კი, გაზეთ „მარტვილის“ რედაქტორი მეტად ხმამაღალ განცხადებას აკეთებს და ღიად მიმართავს სამეგრელო-ზემო სვანეთის გუბერნატორს ბატონ ლევან შონიას:

„დიდად პატივცემულო ბატონო ლევან, თუ კი მარტვილის მუნიციპალიტეტის გამგებელი ბატონი ალექსანდრე გრიგალავა გამგეობაში უშუალოდ მის მიერ დანიშნული კადრებიდან (მოადგილეები და სამსახურის ხელმძღვანელები), ორ პიროვნებას მაინც დაასახელებს ისეთს, ვისაც 2012 წლის 1 ოქტომბრამდე ერთი საჯარო განცხადება მაინც აქვს გაკეთებული იმ უზნეობისა და უსამართლობის წინააღმდეგ, რასაც ნაციონალური მოძრაობა ჩადიოდა საქართველოში, მე იმ დღიდან გადავდგები გაზეთ „მარტვილის“ რედაქტორობიდან და შევწყვეტ ამ გაზეთის გამოშვებას. ხოლო თუკი, ის ამას ვერ შეძლებს, თქვენგან მოვითხოვ ამ საქმეში უფრო აქტიურად და ობიექტურად ჩარევას, რათა რაც შეიძლება მალე მოეღოს ბოლო მარტვილში იმ სამარცხვინო კოჰაბიტაციას, რაზედაც პრემიერიც ბრძანებს: „ეგ იქნება ჩვენი სირცხვილი“.

ნანა გოგია

ბიძინა ივანიშვილის ღია წერილი "ევროპის სახალხო პარტიას"

საქართველოს პრემიერ-მინისტრმა ბიძინა ივანიშვილმა "ევროპის სახალხო პარტიას" ღია წერილით მიმართა, რომელსაც "თავისუფალი პრესა" უცვლელად გთავაზობთ: 

"ევროპული ღირებულებები _ პიროვნების სთავისუფლება, სხვისი ღირსების პატივისცემა, სახელმწიფოს მართვაში თანამონაწილეობა, ხელისუფლების ანგარიშვალდებულება, გამჭვირვალობა, კანონის უზენაესობა, ადამიანის უფლებების, უმცირესობის ინტერესების დაცვა _ ქართველი ხალხის დასავლეთისაკენს წრაფვის მიზეზია. სწორედ ამგვარი, ევროპულ ღირებულებებზე დაფუძნებული სახელმწიფოს მშენებლობის მანდატი  მიანიჭა საქართველოს მოსახლეობამ 2012 წლის არჩევებში პოლიტიკურ კოალიცია "ქართულ ოცნებას". 

ქართულ საზოგადოებაში, რომელიც ერთმნიშვნელოვნად მადლიერია დასავლეთის დახმარებისა და მხარდაჭერისთვის, არსებობს კითხვები, პოლიტიკური ძალების იმ წარმომადგენლების მიმართ, რომლებიც მიესალმებოდნენ ძალადობაზე, ღირსების შელახვაზე, დამცირებაზე, სიღატაკესა და უიმედობაზე დამყარებულ ფასადურ დემოკრატიას და დღეს მწვავედ აკრიტიკებენ საქართველოს ახალ ხელისუფლებას, რომელიც არა ფასადის შელამაზების, არამედ რეალურად დემოკრატიული სახელმწიფოს მშენებლობის გზას ადგას. 

მინდა, ჩემი პატივისცემა გამოვხატო ევროპის სახალხო პარტიის, როგორც ევროპის ყველაზე დიდი, გავლენიანი და წარმატებული პოლიტიკური ძალის მიმართ. ჩემი პატივისცემა, ბუნებრივია, ვრცელდება მის კონკრეტულ წევრებზე, ვისთან შეხვედრის შესაძლებლობაც უკვე მომეცა, მაგრამ კითხვები, რომელზეც ზევით იყო საუბარი, პასუხს მოითხოვს. სწორედ "სახალხო პარტიის" პოპულარობისა და სიძლიერის გათვალისწინებით, განსაკუთრებულია მისი პასუხისმგებლობაც ევროკავშირის სამეზობლოში მყოფი იმ ქვეყნების მიმართ, ვინც დიდი იმედით და მოლოდინით შევყურებთ ჩვენი და ევროკავშირის დაახლოებას, ბარიერების დაძლევას და საბოლოოდ, დიდი ევროპული ოჯახის წევრობას. სწორედ ამ როლის და პასუხისმგებლობის გაცნობიერებით, თქვენი ყურადღება მინდა შევაჩერო იმ ფაქტებსა და მოვლენებზე, რომელიც ბევრისთვის შეიძლება არც იყოს ცნობილი. 

კოჰაბიტაცია, ანუ ქორწინება დემონთან

„სიკეთის ნიღაბს რომ არ ეფარებოდეს, ბოროტება ბევრს ვერაფერს გააკეთებდა ამქვეყნად“-

/ მ. ებნერ-ეშენბახი/

კოჰაბიტაცია (Cohabitation) ფრანგული სიტყვაა და თანაცხოვრებას, თანაარსებობას ნიშნავს. კოჰაბიტაცია სათავეს საფრანგეთის მე-5 რესპუბლიკის კონსტიტუციიდან იღებს, როდესაც საფრანგეთი ნახევრად საპრეზიდენტო რესპუბლიკა გახდა. პრემიერისა და პრეზიდენტის მსგავსი „თანაარსებობა“ კი მხოლოდ ნახევრად საპრეზიდენტო მმართველობის დროსაა შესაძლებელი, როდესაც პარლამენტს შეუძლია უნდობლობის ვოტუმით მთავრობის გადაყენება, ხოლო პრეზიდენტს შეუძლია პარლამენტის დათხოვნა. მაგრამ საქართველოში სულ სხვა რეალობა, სააკაშვილს დღეს მოქმედი კონსტიტუციით მისი სურვილის შესაბამისად ერთდროულად მთავრობის და პარლამენტის დათხოვნის უფლება აქვს და ეს მაშინ როცა ნაციონალური მოძრაობის და მისი ლიდერის- სააკაშვილის რეიტინგი 5-8 %-ს არ აღემატება.

სამწუხარო ის არის, რომ ქვეყანაში პოლიტიკური პროცესების ნორმალიზების მიზნით დასავლელი პოლიტიკოსებისგან შემომოთავაზებული კოჰაბიტაცია „ნაციონალური მოძრაობის“ წარმომადგენლებს და მათ მცირერიცხვოვან მხარდამჭერებს მხოლოდ თავის სასარგებლოდ ესმით და თავხედურად ცდილობენ მათ მიერ ჩადენილ უამრავ ბოროტებაზე პასუხისგებას თავი აარიდონ, რადგან უძნელდებათ იმ პირადი კეთილდღეობის დათმობა რაც მათ ამ ცხრა წლის განმავლობაში დაუმსახურებლად, დროის ავბედითობის გამო მიიღეს.

ფული ძალაუფლების წინააღმდეგ

შემოდგომაზე საქართველოში ახალ პარლამენტს აირჩევენ. სააკაშვილის ბანაკი და მისი კონკურენტის ბ. ივანიშვილის კოალიცია აწარმოებენ ძვირადღირებულ საარჩევნო კამპანიებს. ქვეყანაში არსებული განწყობა დაძაბულია და ექსცესების საფრთხე სულ  უფრო მატულობს.

თითქმის ცხრა წელია, რაც პრეზიდენტ სააკაშვილის მთავრობა ყოველგვარი სირთულეების გარეშე განაგებს საქართველოს ბედს. ამჟამად კი ვარდების რევოლუციის ავტორები დგანან სერიოზული  შიდაპოლიტიკური  გამოწვევის წინაშე. მილიარდერმა ბიძინა ივანიშვილმა მოახერხა დაქსაქსული ოპოზიციის გაერთიანება კოალიცია ქართულ ოცნებაში და საკუთარი მნიშვნელოვანი ფინანსური რესურსების გამოყენებით შექმნა ძლიერი პოლიტიკური მოძრაობა, რომელმაც მოიცვა  ქვეყნის მთელი ტერიტორია. ასევე ქვეყნის ყველა რეგიონში მოღვაწეობენ მის მიერ დაფინანსებული მედიასაშუალებები. ხელისუფლება ადანაშაულებს ივანიშვილს ამომრჩევლის მოსყიდვის მცდელობაში. სახელმწიფო სტრუქტურები ღებულობენ შესაბამის ზომებს მის და მისი მომხრეების მიმართ. ეს დაპირისპირება გასცდა ქვეყნის საზღვრებს და მას ადგილი აქვს უკვე უცხოეთშიც.

ფარული მოსმენის ოპერაცია შვეიცარიაში

"სააკაშვილი ბუდა-ბარს სტრიპტიზორებთან ერთად სტუმრობდა"

"ეს ქალაქი, რომელიც ახლა ნაფრონტალს ჰგავს, უახლოესი თვეების განმავლობაში საქართველოსა და მსოფლიოს წინაშე წარდგება უფრო მეტი ბრწყინვალებით, ვიდრე ოდესმე ყოფილა თავის ისტორიაში", - ასე დააიმედა 31 ივლისს პრეზიდენტმა სააკაშვილმა სტიქიის შედეგად დაზარალებული კახეთის მოსახლეობა. ამ განცხადებიდან რამდენიმე საათში ქვეყნის პირველი პირი ადამიანის უფლებათა დამცველმა დაჩი ცაგურიამ ბუდა-ბარში შენიშნა. როგორც ჩანს, სტიქიის შედეგად დაზარალებული მოსახლეობის დარდი პრეზიდენტმა სწორედ რიყეზე გახსნილ ბუდა-ბარში განიქარვა... გვესაუბრება დაჩი ცაგურია:
- დაჩი, ვისგან შეიტყვე, მიხეილ სააკაშვილი ბუდა-ბარს რომ სტუმრობდა?

- ბოლო ხანს პრეზიდენტის გარემოცვიდან უფრო და უფრო ჟონავს ინფორმაცია. ბუნებრივია, ვერ დავასახელებ, ვისგან შევიტყვე ეს ამბავი. მიხეილ სააკაშვილი ბუდა-ბარს ღამის 2-ის ნახევარზე ესტუმრა, როდესაც იქ არავინ იმყოფებოდა და დაახლოებით 2 საათს დაყო. მე და გადამღები ჯგუფი რომ არ მივსულიყავით, ალბათ, უფრო დიდხანსაც გაჩერდებოდა. ბუდა-ბარის მთელ პერიმეტრს აკონტროლებდნენ დაცვის პოლიცია და სამოქალაქო ფორმაში ჩაცმული ადამიანები, რომლებმაც ბუდა-ბართან მიახლოების უფლება არ მოგვცეს. ღამის 4 საათზე სააკაშვილმა, დაცვის თანხლებით, ბუდა-ბარი დატოვა. როგორც ვიცი, ბუდა-ბარში დისკოკლუბია და მიხეილ სააკაშვილი იქ იმყოფებოდა.

რა მოხდა პრეზიდენტსა და პატრიარქს შორის ალავერდში

ალავერდში გამართული დახურული შეხვედრის დროს, საქართველოს პრეზიდენტი მიხეილ სააკაშვილი კათოლიკოს – პატრიარქს დაუპირისპირდა. „პრეზიდენტმა უწმინდესი ბიძინა ივანიშვილის მხარდაჭერაში დაადანაშაულა. ხმამაღლა ყვიროდა. ძალიან გაბრაზებული იყო, პატრიარქს ხელიც კი მოჰკიდა, არაფერი შეგეშალოსო“, – აცნობა ერთ–ერთმა თვითმხილველმა კახეთის საინფორმაციო ცენტრს. სასულიერო პირის ინფორმაციით, რამდენიმე დღეში ახმეტის მაჟორიტარმა დეპუტატმა პეტრე ცისკარიშვილმა ალავერდის ეპარქიას კომბაინი წაართვა.

22 ივლისს, ალავერდში კოალიცია „ქართული ოცნების“ ლიდერი ბიძინა ივანიშვილი იმყოფებოდა. ივანიშვილს ალავერდში მიტროპოლიტმა დავითმა უმასპინძლა და დალოცა.

„თუ მოახერხებთ და ნახავთ მარანს, თქვენ ნახავთ მოდელს, როგორი უნდა იყოს საქართველო, როგორი საქართველოს გაკეთებას ვაპირებთ ჩვენ და რა ხერხებით. ეს შეიძლება ვისწავლოთ მეუფესგან და მეუფემ ამის პატარა მოდელი უკვე შექმნა. ...ეკლესია, რასაც სწამებენ ზოგჯერ ზოგიერთნი, რომ შემფერხებელია პროგრესის, ეს არის კარგი მაგალითი, რომ ეკლესიას, პირველი, საქართველოში შეიძლება პრეცენდენტი არ იყოს სხვა, ისეთი სიახლეები აქვს მეუფეს აქ შემოტანილი“, – განაცხადა ბიძინა ივანიშვილმა ალავერდში ყოფნისას.

ick.ge

ფოთში ნაციონალური მოძრაობის წარმომადგენელმა "ქართული ოცნების" აქტივისტებს შეურაწყოფა მიაყენა

3 აგვისტოს, დაახლოებით 12 საათსა და 30 წუთზე, ქალაქ ფოთში, აღმაშენებლის ქუჩაზე, კოალიცია `ქართული ოცნების~ ახალგაზრდული ფრთის აქტივისტებს ქუჩაში, გაზეთებისა და მოსაწვევების დარიგებისას, მიუახლოვდა ნაციონალური მოძრაობის ადგილობრივი ორგანიზაციის წარმომადგენელი ირაკლი ნაჭყებია. მან ახალგაზრდებს ჯერ გამოართვა `ქართული ოცნების~ გაზეთი და მოსაწვევი, შემდგომ დახია ისინი და ახალგაზრდა გოგონებს შეურაცხმყოფელი სიტყვებით სახეში შეაყარა.

`ქართული ოცნების~ აქტივისტებმა პროვოკატორს თავი აარიდეს და გზა განაგრძეს. მათ აედევნა შავი ფერის ჯიპი `ტოიოტა პრადო~ სახელმწიფო ნომრით CJC-251, რომელიც ეკუთვნის შინაგან საქმეთა სამინისტროს კონსტიტუციური უსაფრთხოების დეპარტამენტს. მანქანებში მსხდომებმა `ქართული ოცნების~ ახალგაზრდული ფრთის წარმომადგენლებს სიტყვიერი შეურაცხყოფა მიაყენეს, რის შემდეგაც იქაურობას გაეცალნენ.

`ქართული ოცნების~ მაჟორიტარი კანდიდატის ეკა ბესელიას განცხადებით, ზემოაღნიშნული ფაქტი შეიცავს სისხლის სამართლის დანაშაულის ნიშნებს, რომელიც კანონით ისჯება, როგორც საარჩევნო კამპანიის ხელის შეშლა.

მსგავსი ქმედებებით ნაციონალური მოძრაობა თვითონ მოდის წინააღმდეგობაში მათ მიერ ინიცირებულ 4 პუნქტიან გეგმასთან წინასაარჩევნოდ ეთიკის დაცვის შესახებ.